Page 125 - Islamic Studies 06

İSLAM ARAŞDIRMALARI JURNALI, Üçüncü il, beşinci sayı (Bahar-Yay / 2024) /124

düzgün cavablandırmaq lazımdır. Bundan başqa əmək
tərbiyəsi hər bir yaşda ardıcıl və mütəmadi aparılmalı, həyati
bacarıqlar, özünəxidmət vərdişləri formalaşdırılmalıdır".
Uşaqların tərbiyəsində hər iki valideynin rolu mütləqdir.
Bəzən valideynlər övladları ilə bağlı hansısa neqativ hal baş
verəndə bir-birini təqsirləndirir. Atalar "mənim vəzifəm pul
qazanmaq, çörək dalınca qaçmaqdır, uşağı tərbiyə etmək

anasının işidir" deyib məsuliyyətdən kənarda qalmaq istəyirlər.
Uşağın fiziki, fizioloji və psixi inkişafında, düzgün tərbiyə
olunmasında ata qayğısı və ana nəvazişi mütləqdir. Hər iki
valideynin diqqət və qayğısı ilə əhatə olunmuş uşaq özünü
dəyərli hiss edir, daha inamlı böyüyür".
Tünzalə Verdiyeva həmçinin bildirib ki, müasir dövrdə
uşaqları düzgün tərbiyyə etmək üçün valideynlərin üzərinə
daha böyük məsuliyyət düşür: "Bu gün uşaqların
formalaşmasında ailə dəyərləri, məktəbdə təhsil, təlim-tərbiyə
ilə yanaşı cəmiyyətin, ətraf mühitin və yaşıdlarının təsiri
vardır. Ucqar kəndlərdən, kiçik qəsəbələrdən fərqli olaraq
şəhərdə, xüsusilə də paytaxtda yaşayan uşaq və yeniyetmələr
daha çox internetdən təsirlənir. Əlbətdə müasir dövrü
komputer və mobil rabitəsiz təsəvvür etmək mümkün deyil.
Uşaqlar dərslərini hazırlayarkən hər hansı bir məlumatı,
informasiyanı internet resurslarından asanlıqla əldə edirlər.
İKT-dən istifadə vaxt itkisinin qarşısını alır. Digər tərəfdən isə
internetdən istifadə uşaqların tərbiyəsində mənfi rol oynayır.
Onlar sosial şəbəkələrdə saatlarla vaxt keçirir, məkrli
insanların təsiri altına düşür. Elə onların təkidi ilə də evdən
qaçır, zərərli vərdişlərə meyil göstərirlər. Müxtəlif saytlara
daxil olub, yaşlarına uyğun olmayan informasiya alırlar. Bu
baxımdan valideynlər övladlarına qarşı maksimum diqqətli
olmalı və onlarla daha çox vaxt keçirməyə çalışmalıdırlar.